Аймгийн ИТХ-аас гаргасан баталсан бодлогын баримт бичиг, хөтөлбөрүүдийн хэрэгжилтийг орон нутгийн иргэдэд сурталчлан таниулах, аймаг, сумын ИТХ-ын иргэд сонгогчидтой уулзуулах, тойрогтоо ажиллах нөхцөл боломжийг бүрдүүлэн, тойргийн иргэдийн санал бодлыг сонсох, нутгийн өөрийн удирдлагад иргэдийн оролцоог нэмэгдүүлэх зорилгоор аймгийн ИТХ-ын ажлын хэсэг тус суманд ажиллаа. Иргэдтэй хийж буй уулзалтын үеэр аймгийн ИТХ-ын төлөөлөгч, Байгаль орчин, экологийн хорооны гишүүн Ч.Батсүх, аймгийн ИТХ-ын төлөөлөгч Эдийн засгийн хөгжлийн хорооны гишүүн Д.Намнанбаяр нар тайлант хугацаанд хийж хэрэгжүүлсэн ажлуудаа тайлагналаа.